قالك وحد الخطرة واحد فقير راح خطب وحدة مرفهة كي تفاهموا .. فاتت سمانة عيطلها ولى يحكي امعاها سقساتوا قاتلوا واش اتعشيت؟ قاللها الطعام ايا كوبات اعليه ... عود عيطلها بعد يومين طرحت عليه نفس السؤال ؟ قاللها كليت العيش كوبات اعليه المرة الزاوجة ... راح سقسى صاحبوا وحكالوا واش صرى معاها ايا صاحبوا قالو قوللها كليت البيتزا .. فاليل عيطلها طرحت اعليه نفس السؤال؟ قاللها كليت البيتزا بصح ماقويتش 3 مغارف برك...... ههههههههههه
وحد الجزايري راح حواس لليابان كي لحق صاب واحد يعبد في وحد الصنم يسموه ابودا ... الجزايري استعجب قالوا استغفر كاين ربي واحد ماشي زوج .. الياباني قالوا انتوما العرب فيكم ماتشدوش في دينكم ، الجزايري قالوا راك غالط .... الياباني اسكت وامبعد قالوا ايا روحو للكاف ونقيسو رواحنا لي يبقى حي مولاه هو ليسلكوا ايا الجزايري قالوا ماعليش ..راحو للجبل
الياباني هبط يتكور ويقول .. ابودا ابودا ابودا كي لحق للحاشية صاب كاميو معمر بالماطلات طاح فوقهم ماصرالوا والو وامبعد اطلع للجزايري قالوا قيس روحك ايا الجزايري هبط يتكور ويقول : يا ربي احفظ يا ربي احفظ .. كي لحق للحاشية وماصابش الكاميو بدى يقول : يا ابودا انا خيك .. يا ابودا انا خيك استر ... ههههه